روسی  فوج  کے یوکرین کے بعض شہروں پر حملوں میں ہلاک شدگان کی تعداد 19 جبکہ زخمیوں کی تعداد 105 ہو گئی ہے۔

 یوکرین کی ہنگامی سروس نے گزشتہ روز کیئف سمیت دیگر شہروں پر حملوں میں  جانی نقصان پر ایک بیان جاری کیا ہے۔

 اس بیان میں بتایا گیا ہے کہ  کیئِف اور لیویف سے متصل 301 سول آبادیوں میں گزشتہ روز سے بجلی منقطع ہے جبکہ روسی حملوں میں ہلاک شدگان کی تعداد 19 اور زخمیوں کی تعداد 105 ہو چکی ہے۔

 یاد رہے کہ روسی فوج نے گزشتہ روز کیئف ،لیویف  اور نیپرو سمیت  یوکرین کے دیگر شہروں پر  میزائیلوں،راکٹوں اور  کامی کازے ڈرونز کے ذریعے حملے کیے تھے۔