قابض اسرائیل کی مذمت اور فلسطینی مسئلے کی حمایت**
**رباط میں بڑی ریلی،
"طوفان الاقصیٰ" کی پہلی سالگرہ کے موقع پر، مراکش کے دارالحکومت رباط کے محمد الخامس اسٹریٹ پر ملک کے مختلف شہروں سے آئے ہزاروں مراکشیوں نے فلسطینی عوام کے ساتھ اپنی یکجہتی کا اعادہ کیا اور مزاحمت کی حمایت کی۔
یہ مظاہرہ غزہ پر اسرائیلی حملے کی مذمت اورتعلقات کے معمول پر لانے کو مسترد کرنے کے تناظر میں کیا گیا۔
"فلسطینی عوام کی حمایت کے لیے قومی ورکنگ گروپ" کی طرف سے اس ریلی کی دعوت دی گئی تھی، جس میں مختلف جماعتوں، شہری اور تنظیموں اور ٹریڈ یونین کے نمائندوں نے شرکت کی۔
شرکاء نے ایک بیان پر دستخط کیے جس میں بین الاقوامی برادری اور انسانی حقوق اور انسانی تنظیموں سے فوری مداخلت اور فلسطینی عوام کے خلاف نسل کشی کی جنگ کو روکنے کے لیے دباؤ ڈالنے کا مطالبہ کیا گیا۔
شرکاء نے مراکشی حکومت سے بھی مطالبہ کیا کہ وہ اسرائیل کے ساتھ معمول کے تعلقات کو ختم کرے، اسرائیلی جہازوں کو رسد اور ایندھن فراہم کرنے سے روکے۔ انہوں نے غزہ اور لبنان میں ہونے والے واقعات پر خاموشی توڑنے اور فلسطینیوں اور لبنانیوں کی ہر ممکن مدد کرنے کا مطالبہ کیا۔
*مزاحمت کی حمایت*
شرکاء نے مزاحمت کی حمایت میں نعرے لگائے، جیسے "عوام معمول کے تعلقات کو ختم کرنا چاہتا ہے"، "صہیونی مصنوعات کا بائیکاٹ کرو"، "ہم سب غزہ کے لیے قربان ہیں"، "فلسطین امانت ہے اور معمول کے تعلقات خیانت ہیں"، اور غزہ اور لبنان میں ہونے والے جرائم پر عرب اور بین الاقوامی خاموشی کی مذمت کرنے والے بینرز اٹھائے۔
مظاہرین نے اسرائیلی قبضے کی حمایت کرنے والی تمام مصنوعات کا بائیکاٹ کرنے کی اپنی دعوت کو دہرایا، فلسطینی اور لبنانی قیادت کی تصاویر اٹھائے جنہیں اسرائیل نے قتل کیا.
جن میں حماس کے سیاسی دفتر کے سربراہ اسماعیل ہنیہ اور حزب اللہ کے سیکرٹری جنرل حسن نصر اللہ شامل ہیں ۔
انہوں نے اپنے عزم کا اعادہ کیا کہ وہ قبضے کے خلاف مزاحمت جاری رکھیں گے اور فلسطینی عوام کے حق آزادی کے دفاع میں ثابت قدم رہیں گے۔
الجزیرہ نیٹ سے بات کرتے ہوئے حزب التقدم والاشتراکیہ کے سیکرٹری جنرل، نبیل بن عبد اللہ نے کہا کہ مراکشی عوام دوبارہ دارالحکومت میں جمع ہو کر تمام جماعتوں کے ساتھ مظاہرہ کر رہے ہیں، اور غزہ اور باقی فلسطین پر جاری صہیونی جارحیت کی مذمت کر رہے ہیں، جو ہمہ گیر تباہی، بے گھر ہونے اور نسل کشی کا باعث بنی ہے، اور ہزاروں متاثرین، شہداء اور لاکھوں زخمیوں کو جنم دیا ہے۔
بن عبد اللہ نے جنوبی لبنان میں "صہیونی عزائم " کے پھیلاؤ کی مذمت کی، جبکہ بین الاقوامی برادری یا تو تماشائی بنی ہوئی ہے یا ملی بھگت کر رہی ہے، خاص طور پر امریکہ اور کچھ مغربی ممالک۔
انہوں نے مزید کہا: "ہم آج یہاں آئے ہیں تاکہ صہیونی ناپاک عزائم کی مذمت اور اس کی سخت مخالفت کا اظہار کریں، اور فلسطین اور مزاحمت کے ساتھ مراکشی عوام کے ثابت قدم موقف کی تصدیق کریں۔"
*طوفان الاقصیٰ کی یاد اور مزاحمت کی حمایت کی تجدید*
عبد الرحیم الشیخی، جو کہ اسلامی تحریک التوحید والاصلاح کے سابق صدر اور "فلسطین کے لیے قومی ورکنگ گروپ" کے رہنما ہیں، نے وضاحت کی کہ مراکشی عوام اس ریلی کے ذریعے، جو طوفان الاقصیٰ کی پہلی سالگرہ کے موقع پر منعقد ہوئی، شہداء کے ساتھ اپنی وفاداری اور فلسطین اور لبنان میں مزاحمت کی حمایت کی تجدید کر رہے ہیں۔
الشیخی نے یہ بھی کہ عوام احتجاج کے لیے سڑکوں اور میدانوں میں نکلتے رہیں گے جب تک کہ فلسطین آزاد نہ ہو جائے اور مراکشی حکومت کے معمول کے تعلقات ختم نہ ہو جائیں، انہوں نے اس اقدام کو غلط قرار دیا۔
انہوں نے مزید کہا کہ "صہیونی دشمن طوفان الاقصیٰ کی کارروائی میں شکست کھا گیا جبکہ مزاحمت نے نمایاں کامیابیاں حاصل کیں، اور جنگوں کے توازن کے مطابق اب بھی طاقت کی پوزیشن میں ہے۔
انہوں نے اس بات کی تصدیق کی کہ "صہیونی دشمن اپنے اعلان کردہ اہداف کو حاصل نہیں کر سکا، حالانکہ اس نے نسل کشی کی جنگ شروع کی اور اسے امریکی اور مغربی حمایت حاصل تھی، اور عرب ممالک کی غداری اور ملی بھگت بھی شامل تھی۔"
*مظاہروں کا تسلسل*
یہ ریلی ایک سال کے دوران مختلف مراکشی شہروں میں ہونے والی احتجاجی سرگرمیوں کی ایک سلسلے کا حصہ ہے۔
پارلیمنٹ کے سامنے مظاہرے نہیں رکے، جہاں غزہ کے حامی اور اسرائیلی جارحیت کے مخالف ہر بدھ اور جمعہ کو جمع ہوتے تھے، تاکہ جنوبی لبنان پر اسرائیلی جارحیت کی مذمت کی جا سکے۔
گزشتہ جمعہ کو، ملک میں غزہ، مغربی کنارے اور لبنان کی حمایت میں 100 سے زیادہ مظاہرے ہوئے، "جمعة طوفان الأقصى 52" کی سرگرمیوں کے تحت، "فلسطین اور لبنان میں بہنے والے خون کے وفادار" کے نعرے کے تحت، اور یہ 58 مراکشی شہروں میں ہوا۔
گزشتہ ہفتے، "فلسطین کے دفاع کے لیے مراکشی محاذ" نے اعلان کیا کہ اس نے 7 اکتوبر 2023 کو غزہ پر حملے کے آغاز سے 817 یکجہتی سرگرمیاں منعقد کیں، جن میں 600 مقامی احتجاجی مظاہرے، 188 مقامی اور قومی ملین مارچ، 8 قومی احتجاجی دن اور اسرائیلی قبضے کی حمایت کرنے والی کمپنیوں کے بائیکاٹ کے مطالبے کے لیے 21 احتجاجی مظاہرے شامل ہیں۔
---
*ماخذ: الجزیرہ*