.jpeg)
دو ہزار سے زائد امدادی ٹرک رفح کراسنگ پر پھنس گئے: یورپی یونین
یورپی یونین نے کہا کہ غزہ کی پٹی کے ساتھ رفح بارڈر کراسنگ کے مصری جانب انسانی امداد سے لدے اور تجارتی سامان لے جانے والے 2000 سے زائد ٹرک پھنس گئے ہیں۔
یورپی یونین کے ڈائریکٹوریٹ جنرل برائے انسانی امداد نے منگل کو ’ایکس‘ لیٹ فارم پر وضاحت کی کہ اسرائیل کی شدید فوجی کارروائیاں اب بھی رفح کراسنگ کو کھولنے سے روک رہی ہیں۔
انہوں نے کہا کہ انسانی امداد اور تجارتی سامان سے لدے 2,000 سے زائد ٹرک مصر میں کراسنگ کھلنے کا انتظار کر رہے ہیں اور غزہ میں داخل ہونے کے لیے تیار ہیں۔
یورپی یونین نے پائیدار، محفوظ اور بلا روک ٹوک انسانی امداد کی فراہمی پر زور دیا۔
ڈائریکٹوریٹ نے ’ایکس‘ پر ایک مختصر ویڈیو نشر کی جس میں کھانے کا سامان لے جانے والے ٹرکوں کی ایک بڑی تعداد کو دکھایا گیا ہے، جو زمین کے ایک بڑے رقبے پر قطار میں کھڑے ہیں، جس کے بارے میں ڈائریکٹوریٹ کا کہنا ہے کہ رفح کراسنگ کے مصری جانب کھڑے ٹرک ہیں۔
6 مئی کو اسرائیلی فوج نے شہر کے بے گھر لوگوں کی زندگیوں پر اس کے اثرات کے بارے میں بین الاقوامی انتباہات کو نظر انداز کرتے ہوئے رفح میں فوجی آپریشن شروع کرنے کا اعلان کیا۔
اگلے دن فوج نے مصر کے ساتھ رفح بارڈر کراسنگ پر قبضہ کرلیا جو غزہ کی پٹی کے رہائشیوں کے لیے بیرونی دنیا کے لیے واحد زمینی راستہ ہے۔