جامعہ سلطان محمد فاتح
میں "فقہ المیزان" اور آئندہ کانفرنس کا تعارف عالمی اتحاد برائے مسلم اسکالرز کے صدر کی سلطان محمد فاتح یونیورسٹی
آمد
عالمی اتحاد برائے مسلم اسکالرز کے
صدر، محترم شیخ ڈاکٹر علی محیالدین قرہ داغی نے پیر کی شام استنبول میں واقع سلطان
محمد الفاتح وقف یونیورسٹی کا دورہ کیا۔ جامعہ کے احاطے میں اُن کا استقبال شعبۂ علوم
اسلامیہ کے عمید، پروفیسر ڈاکٹر عبد الرحمن اوزدمیر، اُن کے نائبین اور تدریسی عملے
کے کئی ارکان نے کیا۔
یہ دورہ اُن کی ترکی کے علمائے کرام
کی پہلی کانفرنس میں شرکت کے موقع پر ہوا، جو کہ اتحاد کی زیر نگرانی قائم کردہ
"کمیٹی برائے القدس و فلسطین" کے زیر اہتمام "ندائے مآذن غزہ"
کے عنوان سے ہفتہ اور اتوار، 12 و 13 اپریل 2025 کو استنبول میں منعقد ہوئی۔ اس کانفرنس
میں ترکی اور عالم اسلام کے ممتاز علماء و مبلغین نے بھرپور شرکت کی۔
ملاقات کے دوران عمید جامعہ نے یونیورسٹی،
اُس کے شعبہ جات، انتظامی ڈھانچے اور نمایاں سرگرمیوں کا تعارف پیش کیا، جبکہ محترم
شیخ ڈاکٹر قرہ داغی نے اپنے مشہور علمی کام "فقہ المیزان" کی بنیاد، ارکان،
فوائد، اس کی فکری جدوجہد اور عملی اطلاق کے مراحل پر روشنی ڈالی۔ انہوں نے اس طریقِ
فکر کو ایک متوازن اور خوشحال امت کی تعمیر کے لیے نہایت اہم قرار دیا۔
ملاقات میں جون 2025 میں منعقد ہونے
والی آئندہ بین الاقوامی کانفرنس "فقہ المیزان: ایک متوازن اور خوشحال امت کی
طرف" کے علمی پہلوؤں پر بھی گفتگو ہوئی، جس کا شعار ہے: "ایک تہذیبی امت،
شرعی میزان کے ساتھ"۔
یہ کانفرنس علماء، مفکرین، ماہرین
تعلیم، محققین اور دینی و سیاسی اداروں میں فیصلہ ساز شخصیات، نیز اسلامی جامعات کے
طلبہ پر مشتمل ایک منتخب حلقہ کو ہدف بناتی ہے۔ اس کے اہم مقاصد درج ذیل ہیں:
* "فقہ
المیزان" کے مفہوم، اصولوں اور فہم و تطبیق میں اس کی اہمیت کو اجاگر کرنا؛
* موجودہ دور
میں فقہی اور فکری توازن کے بگاڑ کے اسباب کا تجزیہ کرنا؛
* "فقہ
المیزان" کے زاویے سے سماجی، معاشی اور سیاسی چیلنجز کے اسلامی حل کو نمایاں کرنا؛
* اسلامی معاصر
خطاب میں اعتدال اور عدل کو فروغ دینا؛
* شریعتِ اسلامی
میں میزان کے تصور پر علمی تحقیق اور فقہی تأصیل کی حوصلہ افزائی کرنا۔
اس دورے میں محترم شیخ ڈاکٹر قرہ داغی
کے ہمراہ انجینئر ولید الحیدری (اتحاد کے ایگزیکٹو ڈائریکٹر)، ڈاکٹر محمد ایمن الجمال
(کانفرنس کی علمی کمیٹی کے صدر)، اور ڈاکٹر عبد المجید عکروت (کانفرنس کی تیاری کمیٹی
کے صدر) بھی موجود تھے۔
(ماخذ: الاتحاد)
ـــــــــــــــــــــــــــــــــــــــــــــــ
* لقراءة الخبر باللغة العربية، اضغط على كلمة (هنا)