اتحادِ عالمی برائے مسلم اسکالرز بعض فرقوں کے مذہبی تہواروں کے موقع پر جو کچھ ہوتا ہے اس کی سختی سے مذمت کرتا ہے،جس میں شرک، اور مسلم مقدسات اور شخصیات جیسے خلفاء راشدین اورامہات المومنین (خدا ان سب سے راضی ہو) کی توہین شامل ہے ۔
انہوں نے خبردار کیا کہ یہ گمراہی اور فتنہ ہے جو ایک ملک کے اندر مزید تقسیم درتقسیم کا باعث بنتا ہے۔
اتحادِ عالمی حکومتی اہلکاروں اور ان فرقوں کے مذہبی حکام سے مطالبہ کرتا ہے کہ وہ ان مشرکانہ طریقوں، فتنہ انگیزیوں اور برے کاموں کو روکیں۔
انٹرنیشنل یونین آف مسلم اسکالرز اس پر نظر رکھے ہوئی ہے - درد اور افسوس کے ساتھ اس امر کا اظہار کرتی ہے کہ - جو کچھ مذہبی تہوار کے مواقع پر ائمہ کرام کی یاد میں جو ایک ہزار سال سے زیادہ پہلے فوت ہوئے یا شہید ہو گئے (خدا ان سے راضی ہو)،جس طرح مسلم مقدس شخصیات پر تبرا بازی کی جاتی ہے وہ قابل مذمت ہے.
حالانکہ اسلام میں تعزیت تین دن سے زیادہ نہیں ہے،؛ اسی طرح ان مواقع پر مشرکانہ اعمال انجام دیے جاتے ہیں جو حقیقی عقیدے کے اصولوں کی خلاف ورزی کرتے ہیں، جس کی بنیاد الوہیت اور اللہ تعالیٰ کی وحدانیت پر ہے، اور یہ کہ اس کا کوئی شریک نہیں، اور یہ کہ کوئی شخص خواہ کتنا ہی بڑے مقام پر پہنچ جائے خواہ وہ نبی ہی کیوں نہ ہو، وہ تخلیق اور علم غیب تک نہیں پہنچ سکتا، رب العالمین نے اپنے محبوب برگزیدہ کو فرمایا:لَيْسَ لَكَ مِنَ الْأَمْرِ شَيْءٌ أَوْ يَتُوبَ عَلَيْهِمْ أَوْ يُعَذِّبَهُمْ فَإِنَّهُمْ ظَالِمُونَ. آپ کو اس معاملے میں کوئی اختیار نہیں ہے، یا وہ ان کے توبہ کو قبول کرے گا ، یا وہ انہیں سزا دے گا، کیونکہ وہ ظالم ہیں۔) سورۃ آل عمران: 128۔
تمام انبیاء وہ ہیں جنہوں نے خدا کی وحدانیت کا اقرار کیا، اور یہ کہ وہ انسان ہیں، لیکن خدا نے وحی نازل کرکے اور ان کو دعوت تبلیغ کا فریضہ سونپ کر عزت بخشی، چنانچہ خدا تعالیٰ نے فرمایا۔ :مَّا عَلَى الرَّسُولِ إِلَّا الْبَلَاغُ (رسول پر پہنچانے کے سوا کوئی ذمہ داری نہیں ہے..) <سورۃ المائدۃ: 99>،
اگر ہم قرآن کو پڑھیں تو ہم آسانی سے دیکھیں گے کہ اس میں توحید پرخاص توجہ دی گئی ہے، اور ہر قسم کے شرک کے خطرات اور اس کے سنگین نتائج کی وضاحت کی گئی ہے۔
لہٰذا انبیاء، کرام اور دوسرے صالحین کی حیثیت اور ان کی محبت و توقیر. میں غلو کرنا اور صفات الٰہی یا علم غیب کو ان کی طرف منسوب کرنا ہرگز جائز نہیں، کیونکہ یہ ان میں سے ہے جو اس عقیدہ کے برعکس ہے. جس کے لیے اللہ تعالی نے کتابیں نازل کیں، اور جس کے لیے اس نے رسول بھیجے۔
بدقسمتی سے ان متذکرہ مواقع پر اسلام کی بڑی علامتوں بشمول امہات المومنین اور ہدایت یافتہ خلفائے راشدین کی توہین، بھی ہوتی ہے، یہ اسلام کی نظر میں ایک اور جرم ہے۔ ایک بڑا فتنہ جو مسلمانوں کو ٹکڑے ٹکڑے کرنے اور ان میں تفرقہ ڈالنے کا باعث بنتا ہے، اور ان کو متحد کرنا ناممکن بنا دیتا ہے، یہ ایک ایسا فتنہ ہے جو اسلام کے دشمنوں کی مدد کرتا ہے، ہماری صلاحیتوں پر غلبہ پانے اور ان پر قابو پانے کے لیے، کیونکہ اس کا نعرہ ہے "تقسیم کرو اور حکومت کرو"۔
لہذا مسلم علماء کی بین الاقوامی یونین ان شرکوں اور ان فتنوں کی سختی سے مذمت کرتی ہے اور ان کی روک تھام کے لیے متعلقہ حکومتوں اور مذہبی حکام سےپرزور مطالبہ کرتی ہے: ۔
اللہ تعالیٰ نے فرمایا:وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا (اور سب مل کر اللہ کی رسی کو مضبوطی سے تھام لو اور تفرقہ میں نہ پڑو۔) سورۃ آل عمران: 103۔
جمعہ: 23 صفر 1445ھ
ڈاکٹر سالم سقاف جفری (صدر)
ڈاکٹر علی قرہ داغی (جنرل سیکرٹری)