انٹرنیشنل یونین آف مسلم اسکالرز کے سیکرٹری جنرل کا لبنان کی طرابلس یونیورسٹی کا دورہ ۔
یونیورسٹی آف طرابلس، لبنان نے انٹرنیشنل یونین آف مسلم اسکالرز کے سیکرٹری جنرل عزت مآب پروفیسر ڈاکٹر علی محی الدین قرہ داغی کا پرزور استقبال کیا۔آپ کے خیر مقدم میں یونیورسٹی آف طرابلس کے صدر پروفیسر ڈاکٹر رفعت محمد راشد المقاتی اور یونیورسٹی کے کالجوں کے ڈینز اور ایڈمنسٹریٹرز پیش پیش تھے.
اس موقع پر قطر چیریٹی ایسوسی ایشن کے نمائندے پروفیسر محمد اسد الطحطمونی اور یونین میں یروشلم کمیٹی کے چیئرمین ۔ ڈاکٹر احمد عمری اور اسلامک ویلفیئر آرگنائزیشن کے ایگزیکٹو ڈائریکٹر کی پر وقار موجودگی تھی ۔
پروفیسر معتصم علوان کی تلاوت کلام پاک اور تقریب کے ناظم اور یونیورسٹی سیکرٹری پروفیسر محمد حندوش کے تعارفی کلمات کے بعد یونیورسٹی کے صدر پروفیسر ڈاکٹر رفعت المقاتی نے استقبالیہ کلمات پیش کئے۔ وفد نے قطر چیریٹی کے ساتھ تعاون کے تعلقات کا ذکر کرتے ہوئے، لبنان کی صورتحال پر بات کی اور آپس کے تعاون کی اہمیت اور ضرورت پر زور دیا۔ لبنان میں تعلیم، خاص طور پر یونیورسٹی کی تعلیم، بحران اور گرتی اقتصادی صورتحال کی وجہ سے پروفیسرز کی تنخواہوں کی معطلی کے بعد۔ عرب اور مسلمان بھائیوں کو اس بحران کی روشنی میں لبنان کو اکیلا نہ چھوڑنے کی ضرورت پر زور دیا. انہوں نے قطر میں اپنے بھائیوں کے ساتھ خیراتی کاموں میں شیخ محمد راشد المقاتی کی کوششوں کو بھی سراہا۔خاص طور پر جمعیۃ الاصلاح الاسلامیہ اور یونیورسٹی آف طرابلس کے قیام کے بعد ۔
اس کے بعد انٹرنیشنل یونین آف مسلم اسکالرز کے سیکرٹری جنرل شیخ ڈاکٹر علی قرہ داغی نے خطاب فرمایا. جس میں انہوں نے طرابلس یونیورسٹی میں اپنی موجودگی پر مسرت کا اظہار کرتے ہوئے کہا کہ ، یہ ایک بابرکت یونیورسٹی ہے ۔ یہ یونیورسٹی اپنے بانی شیخ محمد راشد المیقاتی کے بلند افکار خیالات کا آئینہ ہے،
انہوں نے یونیورسٹی کے صدر پروفیسر ڈاکٹر رفعت المیقاتی کی کاوشوں اور کوششوں کے لیے ہر سطح پر اپنی حمایت کا بھی اظہار کیا، کیونکہ انھوں نے بحران اور آزمائش اس گھڑی میں لبنان کا ساتھ دینے کی ضرورت پر زور دیا۔ مسلمانوں کے لیے لبنان کو بے یار مددگار چھوڑ نا درست نہیں ہے اور نیز اس معاشی بحران میں انھیں ثابت قدم رکھنے کے لیے اس کا ساتھ دینا ضروری ہے. موجودہ حالات کے پیش نظر جب کوئی صاحب خیر دریافت کرتے ہیں تو میں لبنان میں مسلمانوں کے تعاون کے لئے فتویٰ بھی جاری کرتا ہوں ہے۔ ۔
دوسری جانب علامہ قرہ داغی نے یونیورسٹی اور اس کے شرعی دینی نصاب کے بارے میں گفتگو کرتے ہوئے دنیا میں اسلام کو پھیلانے اور اسلامی اقدار کے فروغ میں اس کے کردار پر بات کی اور یہ سب اس کے بانی کے اخلاص کی بدولت ممکن ہوا ہے، اللہ تعالیٰ ان پر رحم فرمائے۔ اور انہیں سلامتی عطا فرمائے، اور ان کی صالح اولاد کی کوششوں کا بھی شکریہ جو اسلام کی خدمت، اور حقیقی اسلامی علم کو پھیلانے میں ان کے نقش قدم پر چلتے ہیں۔
میٹنگ میں یونیورسٹی اور اس کے عظیم بانی کے بارے میں ویڈیو پریزنٹیشنز شامل تھیں. آخر میں یونیورسٹی کے صدر نے ڈاکٹر علی القرادغی، قطر چیریٹی ایسوسی ایشن اور اسلامک ویلفیئر آرگنائزیشن کو اعزازی شیلڈز پیش کیں۔ تعاون کے پروٹوکول پر دستخط کیے گئے، یادگاری تصاویر لی گئیں، اور قطر چیریٹی ایسوسی ایشن کی جانب سے یونیورسٹی کے پروفیسرز اور منتظمین اور اس کے ملازمین کو مالی امداد فراہم کی گئی۔
ماخذ: الاتحاد